Bismillaah Arraxmaan Arraxiim.
ALLAAH ayaa mahad kulligeed iska
leh, xaal uuyahay kan cirka dhisay dhulka gogley, buuraha muday, daruurahana
wada. Rabiga quruumihii hore iyo kuwaan dambe, Rabiga samooyinka iyo dhulalka,
Rabiga Malaa'igta & Rususha, Rabigaas oo ah kan-og xaalka quraanyo madoow
oo habeen madoow dhagax madoow dushiisa kusocota.
Naxariis iyo nabad gelyo waafi ahi
korkiisa ha ahaato Nabigeennii suubanaa Muxammad, xaal uu yahay
raxmaddii caalamka, bishaareeyihii Jannada, kadigihii naarta iyo cadaabka Alle.
Inta aanaan u gelin qalbiga
mawduucan aan ciwaankiisa kor kusoo sheegnay, waxaan jecelnahay inaan wax yar
kataabanno sideeda waxa ay tahay xigmadu?.
Xigmadi waa DHIGIDDA SHAY WALBA MEESHII UU KUHABOONAA, haddii aan
si kale u niraahnana waxay kaloo noqon kartaa xigmadi, iyadoo hadal yar lagu
sheego waxa faa'iido ugu jirto bini'aadamka AAKHIRADIISA ama ADUUNKIISA.
Haddaba waxaa Islaamka soo maray dad
badan oo xigmad laga hayo, xigmaddaas oo ah mid ay kukasbadeen qur'aanka kariimka
ah kudhaqankiisa iyo raacidii dhabta ahayd ee ay Rasuulka(NNKH) raaceen.
Bal aan isla fiirinno IMAAMKA caanka
ah caalimkana ah ee layiraahdo IBRAAHIIM IBNU ADH-HAM, oo noolaa
qarnigii saddexaad ee Hijriyada, wuxuuna ahaa Macallinkii imaamka kale ee
caanka ah Sufyaan Ath-thoowrii.
Waxaa hadda kahor dhacday in nin u
yimid Ibraahiim ibnu Ad-ham, oo uu kuyiri: "Shiikhoow, waa-isaga Ilaahay
ku-yiri suuradda magaceeda layiraahdo GHAAFIR
aayaddeeda 60: (RABBIGIIN WUXUU YIRI: IBARYA WAAN IDINKA AQBALINE), haddaba
haddii xaalku saasyahay maxaa ducadayada loo aqbali waayey?. Imaamku wuxuu
siiyey ninkaas jawaabtaan iyada ah xigmadana ah :
SABABTA
loo aqbali waayey ducadaada waxaa weeye:
~
ILaahay inuu jiro waad ogtahay.................Hadana ma aadan adeecin.
~
Quraanka waad akhridaa ..........................Hadana kuma camal fashid.
~
Shaydaanka waad taqaan..........................Hadana waad dabagashay.
~
Waxaad tiri Rasuulka waan jeclahay...........Hadana sunnadiisa waad katagtay.
~
Waxaad tiri Jannada waan rabaa................Hadana uma aadan camal falin.
~
Waxaad tiri Naarta waan kabaqaa...............Hadana dunuubta kama aadan
fogaan.
~
Waxaad tiri geeridu waa shay xaq ah...........Hadana isuma aadan diyaarin.
~
Waxaad kumashquushay ceebta dadka ........Hadana ceebahaaga mafiirisid.
~
Intaas waxaad cunaysaa RIZIQA Ilaahay.......Hadana kuma aadan xamdiyin.
~
Intaas waxaad wax ka aastaa maydka...........Hadana darsi kuma qaadatid.
Sidoo kale maalin maalmaha kamid ah
isagoo socda ayuu wuxuu soo maray nin kale oo tiiraanyaysan (murugaysan),
markaasuu wuxuu ku yiri ninkii tiiraanyaysnaa isaga oo samirsiinaya.
Ninyohow
tiiraanyaysani waxaan kuweeydiiyey saddex su'aalood:
IMAAM IBRAAHIIM: Dhulkaan dushiisa miyuu kadhacayaa wax aan Ilaahay
qadarin?.
NINKII: Maya.
IMAAM IBRAAHIIM: Riziq Alle horay kuugu qaddaray miyuu kaa nusqaamayaa?.
NINKII: Maya.
IMAAM IBRAAHIIM: Cimrigii ALLE horay kuugu qoray miyay daqiiqadi ka
go'aysaa?.
NINKII: Maya.
IMAAM IBRAAHIIM: Hadaba maxaa kuugu wacan inaad murugooto adoo intaas og?.
NINKII: Jooji!! jooji Shiikh!! intaas kujooji!! Ilaahay baan
caabudayaa oo aan ulaabanayaa!.
Haddaba walaalayaal maxay tahay
Xigmadda ku jirta ee aan kaqaadan karno Immaamka labadiisa hadal ee uu labada
nin kula hadlay:
~ Hadalka
ninka hore uu kula hadlay waxaa lagala bixi karaa in ducada aqbalkeedu
kuxiranyahay in aannu noqonno addoommo dhab ah oo Ilaahay adeecsan
rasuulkiisana raaca, waxaa hubanti ah haddaan saas yeelno in ducadeena Eebbe
naga aqbali doono Inshaa Allaah.
~
Xigmadda uu ninkii tiiraanyaysnaa siiyayna waxaanu kaqaadan karna ama ay
xambaarsanayd in aan loo murugoon waxyaalo Ilaahay horay uqaddaray inay
dhacaan, isla markaasna RIZIQA, GEERIDA iyo waxkastoo yimaadaba ay yihiin wax
Ilaahay horay uqaddaray, laakiin haddii aan bini'aadam nahay, waxaa annaga
waajibkeenu yahay inaan dadaalno oo aan kudhaqaaqno fulinta wixii uroon
adduunkeena iyo aakhiradeena, wixii Ilaahay noo qadarana aan raalli kunoqono.
ALLAAH WAXAAN WEEYDIISANAY CAFI
& CAAFIMAAD...
